"Ich han mich zwüsched de Wällene sehr guet chöne entspanne, de Arzt het als ersts gseit wo er dezue cho isch

(ca. 30' vor de Geburt), ich chöngi ja na lache :-)! "

Juhuuu, wie lang han ich mich uf de Momänt gfreut, dir z schribe dass euses Chindli uf d Wält cho isch und chöne z säge, dass d Geburt es unglaublich schöns Erläbnis gsi isch!! Eusi N* isch geschter am 01:55h uf d Wält cho!
Dank de guete Vorbereitig bi dir im Kurs und i de letschte Wuchene dehei, händ mir total entspannt chöne a die Geburt anegah! I keim Momänt han ich Angst gha!

Das isch mega wertvoll gsi! Di erste Wälle händ am Tag vorher am Morge am 01:00h igsetzt, sind regelmässig all 3-7 Minute cho, aber gar ned starch gsi. Am nögste Morge simmer denn mal is Spital zum go zeige. Sie het mich agluegt, Herztön gmässe und gseit dass alles ok isch und mir namal chli söled go schlafe. Am Abig hämmer denn namal Kontrolle gha, det sind d Wälle scho stärker gsi aber defür nur so all 15-20 Minute. Wo mir wieder dehei gsi sind und händ wele go schlafe, isch es denn plötzli richtig los gange. Am 22h simmer im Spital acho und 4h spöter isch euses süesse Meitli scho uf minere Brust gläge...was für es Gfühl :-) 
Ich han mich zwüsched de Wällene sehr guet chöne entspanne, de Arzt het als ersts gseit wo er dezue cho isch (ca. 30' vor de Geburt), ich chöngi ja na lache :-)! Klar, d Wälle sälber sind heftig gsi und nur "usegschnufed" han ich die Chli ned....aber d Schmerze sind ja sooo schnäll vergässe und in Erinnerig isch das wunderschöne Erläbnis, das i mich inecheere und nur mit mim Körper und de N* zäme z schaffe. D Hebamme het mich die ganz Geburt dur sooo guet agleitet mit Schnufe, genau wie mirs glernt händ bi dir! Und min Maa isch so entspannt gsi und het mir so ghulfe! Will alles so schnäll gange isch, hämmer gar ned ad Musig dänkt :-) Aber es hets demfall ned brucht im Moment!

Mir sind üüüüüberglücklich und gnüssed die Moment mit de Chline sehr!!

Danke vielmal für alles, Sara!

Mir freued eus, wenn mir eus wiedermal gsänd!

Ganzheitliche Geburtsvorbereitung
mit Hypnobirthing im Aargau

Sara Baumann
Holzgasse 5   
5212 Hausen   

 

+41 76 440 72 20
sara@hypnobirthing-aargau.ch  

Ich bin Sara Baumann.
Schwangerschaft, Geburt, Stillen und Babyschlaf sind meine Herzensthemen. Als zweifache Mutter, HypnoBirthing Kursleiterin, Schlaf- und Stillberaterin und Kinesiologin mit  über 15 Jahre  Erfahrung  begleite ich Familien von Anfang an, liebevoll und kompetent. 

  • Grey Facebook Icon

Seit über 5 Jahren
Geburtsvorbereitung im Aargau I Hausen bei Brugg
I Aarau I Baden 

Vorstandsmitglied DAIS Schweiz (Stillbegleiterinnen)

Mitglied beim EMR, ASCA und SNE

HypnoBirthing Aargau Aarau Zürich Geburtsvorbereitung

Ein Angebot von Familiesach - Kurse & mehr in Hausen AG

© HypnoBirthing Aargau l Impressum l Datenschutz l   AGB